La Lhéngua Mirandesa assinala l sou die cula Cunstituiçon traduzida, nuobos manuales, literatura i música
.
L purmeiro die de comemoraçones ampeçou pulas 10h00, cula apersentaçon de l Centro de Formaçon de Porsores, José Leite de Vasconcelos, promobido pula ALCM. La nuoba strutura quier dar respuosta a las necidades de formaçon de porsores, mormente no campo de la lhéngua i de la cultura mirandesa.
PUB • CONTINUE A LER A SEGUIR
Un cachico apuis fui apersentado l Manual de Mirandés pal 1.º anho de l 1.º ciclo, ua einiciatiba de la Strutura de Misson Pa La Lhéngua Mirandesa (EMPLM). Este manual busca dar als porsores i alunos un nuobo strumiento de ajuda a l’aprendizaige de la lhéngua zde ls purmeiros anhos de scolaridade.
Outro de ls porjetos apersentado fui la Pós-Graduaçon para Porsores de Mirandés, de la respunsablidade de la Ounibersidade Politécnica de Bergáncia. La formaçon tenciona reforçar la purparaçon specializada de ls porsores i dar cuntribuiçones pa la qualificaçon de l ansino de l mirandés.
“L feturo dua lhéngua passa amprescindiblemente pula scola, mas tamien pula capacidade de criar nuobos strumientos pa la spargir, ansinar i ousar.”
PUBLICIDADE
Cunstituiçon tamien an mirandés
La cerimónia de la tarde tubo cumo un de ls punttos prancipales l’apersentaçon de la Cunstituiçon de la República Pertuesa, an Lhéngua Mirandesa, un porjeto de la ALCM.
Esta traduçon repersenta ua nuoba perséncia de la lhéngua mirandesa na Lei Fundamental de l Stado pertués i ten por oubjetibo balorizar i afinconar la lhéngua mirandesa anquanto patrimonho lhenguístico i cultural de Pertual.
Tamien fui apersentado l Plano Stratégico de la EMPLM, que cria lhinhas de ourientaçon pal zambolbimiento feturo de l uso de l mirandés, tanto na promoçon de l ansino cumo tamien na criaçon artística stribados na lhéngua i cultura mirandesas.
La tarde acabou cula apersentaçon de la reeidiçon de “Froles Mirandesas”, de José leite de Vasconcelos, ua obra associada als purmeiros studos sistemáticosa i científicos suobre la lhéngua i cultura de l Praino Mirandés.
PUBLICIDADE
“Más do que lhembrar ua lhéngua, celebrar l Die de la Lhéngua Mirandesa ye criar cundiçones para que eilha siga sendo falada, ansinada, screbida i repassada.”
Las comemoraçones acabórun l die 18 de setembre, apuis de las 5 de la tarde, adonde se pudo ber la lhéngua mirandesa arrimada a la lhiteratura pertuesa cuntemporánia.
Fui apersentada la berson mirandesa de l remanse “l nuosso reino”, de Valter Hugo Mãe, nua traduçon que pon ua obra de un de ls más conhecidos scritores p+ertueses cuntemporánios a la moda pals leitores de lhéngua mirandesa.
L porgrama tubo tamien l’apersentaçon de “Bozes de l Praino”, un grupo coral de moças i de ties que canta reportório an lhéngua mirandesa.
La música aparece cumo más ua maneira de uso público de la lhéngua, ajuntando la dimenson artística a la transmisson lhenguística i cultural.
“Ua lhéngua bibe quando ye ousada an bariados cuntestos: na scola, na literatura, na música, na traduçon i... todos ls dies.”
Alcides Meirinhos
PUBLICIDADE
Do mesmo autor
La Raposa i las ubas
Nun die caliente de berano, ua raposa caminaba pul termo an busca de quemida. Yá habie andado un bun cacho i ampeçaba a sentir la fame a apertar.Nun die caliente de berano, ua raposa caminaba pul termo an busca de quemida. Yá habie andado un bun cacho i ampeçaba a sentir la fame a apertar.
LAS MAIAS
L die d’hoije yá ls romanos fazien las Maias, fiesta de l renacer de la natureza i de la fin de l lhargo eimbierno. Por muitos cientos d’anhos ansinórun-mos a çpreziar estas fiestas dando-le l denome de fiestas paganas. I si son paganas – de pagus, aldé ne l meio de l campo, alrobés de la […]
