La Pita de ls Uobos de Ouro
Traduçon i adaptaçon para mirandés por Alcides Meirinhos Dezeinhos oureginales de Ana Afonso https://anafonso.com/
Habie, nun lhugarico scundido antre ls montes, un casal mui houmilde que bibie solico i sien más família acerca. Nun tenien grandes riquezas, mas trabalhában cun codícia i íban ganhando pal gasto.
PUB • CONTINUE A LER A SEGUIR
Un die, algo fantástico se passou.
La sue pita más bielha puso un uobo de ouro puro.
L lhabrador pensou que fura un milagre. Lhebou l uobo a un ouribeiro de la cidade que l dixo que sí era ouro:
PUB • CONTINUE A LER A SEGUIR
- Ye ouro berdadeiro!
Bendiu l uobo i recebiu buona maquila an denheiro. Soutordie, la pita tornou a poner outro uobo de ouro. I soutordie más alantre, más outro.
Assi, sien grande trabalho, l casal ampeçou a bibir cun menos aperto. Fazírun obras an casa, mercórun ferramientas nuobas i nunca más l faltou pan.
Mas cun l passar de tiempo, deixórun de ser agradecidos i quedórun mui arganeiros.
L lhabrador ampeçou a pensar:
- Se esta pita pon un uobo de ouro todos ls dies, de certeza que tenerá un tesouro andrento deilha. Para quei quedar a spera tantos dies? Se l’abrir quedo rico de beç.
La sue tie bien l quijo tirar essas eideias.
- Nun seias boubo! Yá tenemos más do que percisábamos. Más bal tener pacéncia do que ser arganeiro.
Mas l home nun fizo causo deilha.
Agarrou nua faca i matou la pita, cumbencido que acharie la barriga chena de ouro.
Quando l’abriu... nun achou barras de ouro, nien monedas, nien qualquiera tesouro scundido.
La pita era armanica a todas las outras pitas.
Habie perdido para siempre la fuonte de la sue riqueza.
Sien uobos de ouro, l denheiro acabou por se gastar. L casal tornou a la pobreza i l lhabrador cumprendiu, tarde de más, que por haber sido arganeiro habie perdido todo l que yá tenie.
Zde esse tiempo, siempre que dalgun bezino queda rico mui debrebe, ls bezinos cuntában essa cuonta.
Moral:
Quien todo quier acaba, muita beç, por perder l que yá ten.
Do mesmo autor
LAS MAIAS
L die d’hoije yá ls romanos fazien las Maias, fiesta de l renacer de la natureza i de la fin de l lhargo eimbierno. Por muitos cientos d’anhos ansinórun-mos a çpreziar estas fiestas dando-le l denome de fiestas paganas. I si son paganas – de pagus, aldé ne l meio de l campo, alrobés de la […]
As mais lidas
75 anos de casamento: uma vida inteira a dois, um amor que venceu o tempo
Agosto está a queimar os últimos cartuchos. As festas, os arraiais e as romarias entram na reta final de um mês que parece querer ficar mais tempo entre nós. Mas, nesta última edição de agosto do Jornal Nordeste, quero parar o relógio por um instante para contar uma história que é, por si só, uma festa: a história de Bernardino António e Júlia do Carmo, um casal da Fradizela, concelho de Mirandela, que no passado dia 18 de agosto celebrou 75 anos de casamento.
