La purmeira beç

Beisico eiqui beisico eilhi,
Pul meio alguas risicas,
Quando mos demos de cuonta
Stábamos a buoltas culas mamicas.

Cuntinemos la biaige
Mexendo naqueilhas cousicas,
Anton çtapou mais un pouco
Deixou-me ber las pernicas.

Ai, mai!, fiquei tuntico
Cun aquilho que you bi,
Mas, ai, yá l picanço,
Staba fuora de si!

Passemos pul monte de Benus
I cheguemos a la ratica,
Ai, la mie cumpanheira
Staba tamien tuntica.

Scuitei anton un ai,
Era eilha, la cuitadica,
Porque l concho de l picanço
Staba a picar la ratica.

Mas un ai you scuitei,
Agora yá mais mansico,
Dixo eilha al picanço
Aperta mais un pouquito.

Mas, derrepente,
Las funçones acabórun.
Fui tanta l’alegrie
Que ls paixaricos cantórun.

José António Esteves
Lar de São José, Bumioso.