Miranda linda Miranda

Cun tous comércios brilhantes
Pra quien quejir cumprar
Aparece quando quejires
You te starei a sperar.

Tamien tengo cousas buonas
Cun respeito a comer
Tengo bino deliciosos
A pedir pa ls buer.

Buona Chicha de la region
Feita an puosta mirandesa
Stá siempre pruntica
Pra ir a qualquiera mesa.

L bino buono de que falei
Ye de la dega de Sendin
Ye ua pinga bien buona
Pul menos pra mi(n).

Tenemos muitas más cousas
Eiqui por essas arribas
Bien gustosos pra comer
Son ls chouriços d’Augas Bibas.

Se ls quejires guardar
Compra eiqui un caçuolo
I tamien pa ls cortar
Lhieba nabalhas de Palaçuolo.

Por estas cousas buonas
Nun percísan porpaganda
Mas só las puodes lhebar
Se benires a Miranda.

Pus anton repara bien
No que you stou a screbir
Berás se nun bal la pena
Anté Miranda tu benir.

Tengo cousas an trapos
Eiqui por todos ls lhados
Cumo l artazanado
An rendas i atoalhados.

Olha que bal bien la pena
Berdade seia dita
Termina i aparece
A fazer-me ua besita.

Só ancuntrarás esta beleza
Nun me lhiebes a mal
Digo-te que eilha solo eisiste
Neste cantico de Pertual.

Anton pra que speras
Pra me benir a besitar?
You por eiqui starei
Siempre por ti a sperar.

José António Esteves
Lar de São José, Bumioso.