Ls anhos de Zantonho

Nacie nun doze de márcio
Qu’era la feira an Sendin
Qu’habien cumprado na feira
A mi me dezien assi(n).

Dues armanas yá tenien morrido
Naquel momento preciso
Fiquei cun Mariana i Oulíbia
Cun Angrácia i cun Narciso.

L rapazico alhá se criou
Pa l bien ó pa l mal
Pul meio uns trambulhones
Cumo ye natural.

Passou todo mui a priessa
Que you nien dei por isso,
Lhougo mie mai morrie
Apanhando nabiças na Chapiça.

Fui un choque mui grande
Mas la bida nun parou
La ruoda seguie rodando
Anté que la mie s’ancrabou.

Muitos anhos mais alantre
Morrie-se tamien miu pai
You inda por eiqui stou
A ber l que la bida me fai.

Hoije stou eiqui ne lar
Çpuis de muitos anganhos
Culs mius belhicos
Festejando ls mius sessenta anhos.

José António Esteves
Lar de S. José, Bumioso