Yá puodes salir sien miedo

Tamien yá la tapórun
Staba siempre a arramar
Mas tamien tenien miedo
Que te bolbisses a afogar.

Por esso baixa sien miedo
Yá nun te passa nada
Toda la cousa que bota auga
Stá an Palaçuolo bien tapada.

Nun ser que baias a Peinha Senara
Fazírun pali ua presa
Mas puodes ir sien miedo
Nun t’afogas cuncerteza.

Pali si se stá bien
Auga ye que nun falta
Anima-te i bai alhá
Cun toda la nuossa manta.

Se podisse iba you cuntigo
Mas ye custoso alhá chegar
Auga ye que nun falta
Pra mos poder chapuçar.

Auga solo pali
Secórun-se las funticas
Yá nien sequiera la hai
Nos chafarizes de las lhagonicas.

Atribe-te bai a Peinha Senara
Berás que ye cumo te digo
Se me quejires ajudar
You tamien bou cuntigo.

José António Esteves
Lar de S. José. Bumioso