Ter, 15/01/2008 - 11:55
A las bezes salo a la rue,
Acunteciu este die,
Andube pali a las buoltas,
Mas naide me conhecie.
Anton lhembrei-me d’Angrácia
Que ye la mie sprança
Mas eilha stá tan loinge
Na outra punta de França.
Anton cumo te bai la bida?
Spero you que seia bien.
You parqui bou andando
I stou bien tamien.
Cunta-me alhá la tue bida
Pra you ficar a saber
Yá tengo muita Saudades,
De te boltar a ber.
Nunca mais chega l berano
Para matar las saudades
I pra you te cuntar
Todas las mies alblidades.
Ai Angrácia, stou malico,
Alegrie nun eisiste
Nun sei dezir porquei
Solo sei que stou triste.
S’ancuntrares por ende a Dius
Pus el porqui yá nun passa
Dá-le uns buonos çafanones
Por tener feito esta zgraça.
Se não nun fagas nada,
Nun baia a quedar anfadado
Diç-le antes que you digo
Muito, muito oubrigado.
Hoije yá fico porqui
Ppensando cun mius botones
Tenie mais cousas a dezir
Mas fícan pra outras oucasiones.
Dá-le un abraço a Ablino
Cuida alhá bien del
Beisicos a Marie i Cristina
I tamien pra Lionel.
Muitos beisicos pra ti
De l chochico de l tou armano
Adius até outra beç
I anton anté al berano
José António Esteves
Lar de S. José. Bumioso.