La mie biaige por tierras de Miranda

De Palaçuolo a Prado Gaton
Bou apuis alredor
Sigo para Teixeira
I bou por Atenor

Seguie anton por Sendin
Ua bila bien fuorte
Bou al Barrocal
I passo por Picuote

Çpuis bou a Fuonte Aldé
Assi me dá la gana
I bou a Freixenosa
I tamien a Bilachana

Bou a Dues Eigreijas
I a la Quinta de Cordeiro
Sigo a Bal de Mira
Mas bou a Cércio purmeiro

Fui a çcansar a Miranda
Ya tenie ua pata manca
Çpuis de ganhar fuorças
Segui pra Peinha Branca

Fui tamien al Palancar
Bi ua rapaza a la jinela
Dei-le las buonas tardes
I seguie pra Paradela

Çpuis pra Aldinuoba
Tengo que chegar al fin
Fui-me anté Cicuiro
I tamien a Costantin

Tenie muito que fazer
Mas inda fui a spreitar
Passei por Infainç
I a Malhadas fui çcançar

Tamien fui a la Pruoba
Segui por aquel camino
Passei pula Senhora de l Naso
Dei un salto a Samartino

Birei anton pra trás
Passei pula Speciosa
I fui ante Zenízio
Ua tierra mui fermosa

Fui-me a San Pedro de la Silva
Esta biaje fui canja
I fui mas alhantre
I cheguei a la Granja

Çpuis por Fuonte Lhadron
Segui aqueilhas arribas
I fui nun stantico
Que cheguei a Augas Bibas

Inda fui a Fuonte la Taça
L Sol queima cumo brasa
Çquecime de Bal d’Aila
Mas hoije ya bou pra casa.

José António Esteves
Lar de San José - Bumioso