La baca muorta

Ua beç l bruxo cuntou-le ua cuonta que se habie passado cun el nua aldé. La cousa fui feia, al punto dun home dessa aldé amanaçar l bruxo de muorte, acusando-lo de ser l diabo i de fazer cousas malas. L bruxo bien le quijo splicar que staba eili a fazer bien a las pessonas que lo tenien chamado para tirar ls spritos malinos, mas el cada beç se atiraba mais al bruxo. Quando staba quaije a dar-le porrada, l bruxo bira-se para el i diç-le:
- Oulhai, se nun acraditais nestas cousas, ide a casa porque ides a ancuntrar la melhor baca muorta na loija.
L home alhá se fui para casa. Quando fui a ber las bacas, alhá çcubriu la baca muorta. Ye caso para dezir, you nun acradito an bruxas, mas que las hai, las hai.
José dos Anjos Rodrigues