Ter, 26/02/2008 - 11:55
Aguanto l que nun quiero
Sien dreito a reclamar
Porque l que nós queremos
Nun stá pra mos aturar.
Nun adelantramos reclamar
Aguanta-se si senhor
Pus se nun aguantamos
Talbeç seia bien pior.
Parece mintira i ye berdade
Isto ye mesmo assi,
Pus se nun aguantares
Será pior pra ti.
Aguanta-se cada cousa
Nesta bida cumplicada
Pus quando nun s’aguanta
Ye que nun presta pra nada.
La bida m’ansinou assi
Ye pra oubir i calhar
Miesmo que nun cuncordemos
Tenemos que l’aguantar.
Solo assi podemos bibir
No meio de la tormenta
Mas aquilho que oubires
Debes star bien alerta.
L barco anda a deriba
Ne l meio deste charco
Se nun podires aguantar
Debes abandonar l barco.
You penso muito no assunto
Sei que el ye sério
Mas tengo que aguantá-lo
Puis nun tengo outro remédio.
Tamien se tubisse remédio
De cierto que nun aguantaba
Abandonaba l barco
Nien splicaçones daba.
José António Esteves
Lar de S. José - Bumioso