Ter, 20/03/2007 - 10:49
La muorta bai culas outras?,
Pregunta-le Manolico al pai.
Deixa-la ficar, cuitadica,
Qu’eilha hoije nun bai.
Lhougo la respuosta pronta:
Eilha anda un pouco azarada;
Hoije fica por mie cuonta,
You la lhiebo pa la cebada.
Se não bota-le un galho,
S’acaso l quejir rober
I s’eilha nun quejir
Yá beio l que debes fazer.
L rapaç nun se cunformou
Cula respuosta de l pai
I le bolbiu a perguntar:
Anton eilha fica ou bai?
L pai yá anfadado
Dou-le ua respuosta meio tuorta:
Bai tu atrás de las bibas
Que you cuido de la muorta.
You bou, mas sei bien
Qu’eilha buona nun fica,
A mi dá-me tanta pena
De la ber assi cuitadica!
Stá bien nun t’aflijas,
Lhougo lhougo ficará bien:
S’a ti te dá tanta pena
A mi me dá tamien.
Mas agora fica çcansado,
You cuidarei de la muorta,
Berás que an benindo
Eilha stará yá a la puorta.
José António Esteves
Lar de S. José, Bumioso