Cicuiro, tiera querida

Gente oumilde i ouspitaleira
Ounesta, i lisa i formal,
Alegre i trabalhadeira
Assi nun hai outra eigual.

Naci probe i probe bibo
Antre bacas i ganado
Al sol, a l’auga i al friu
Agarrado al arado.

Agora yá triste bielho
Meio ciego i aleijado
Sufrindo de l rematismo
De l qual stou einutlizado.

Este Antonho Luís Fernandes,
Outrora cantador de fado
Agora sou un bielho einutle
Sien bestígios de l passado.

Sou lhuç que resta apagando
Yá sien brilho nien calor,
Arble que stá secando
Sien préstimo nien balor.

Antonho Luís Fernandes
Cicuiro, 26/08/1985.